Zgjedhjet për kreun e Partisë Demokratike, nis procesi i votimit edhe në Shkodër, Elbasan dhe Korçë (VIDEO)

Procesi votimit për zgjedhjen e kreut të Partisë Demokratike këtë të shtunë ka nisur edhe në qarkun e Elbasanit, Korçës dhe në Shkodër. Demokratët nga ora 08:00 deri në orën 18:00 do të votojnë pët kreun e PD-së ndërsa në garë është Sali Berisha.

Procesi i votimit ka nisur në 7 bashkitë e Qarkut te Elbasanit. Në selinë e PD dega Elbasan janë rreth 1115 anëtarë që pritet të votojnë. Në Gramsh numri i anëtareve që do të votojnë është 784.

Në Peqin rreth 500 anëtarë. Në Belsh numri i anëtarëve është 1073. Procesi do të vijojë deri ne oren 18:00 te ditës se sotme e më pas pritet te nisë numërimi. Procesi deri më tani ka qenë i qetë dhe nuk ka patur raportime për incidente apo problematika.

Janë 11 mijë antarë me të drejtë vote në Korçë, Maliq, Pogradec, Devoll e Kolonjë. Zakonisht numri i votuesëve në zgjedhje për kryetarin e PD qendër, nuk e ka kaluar pjesëmarrjen mbi 5 mijë votues, pra diku tek 50% pjesëmarrje.

Deri më tani nuk paraqitet fluks i madh por të paktën sipas eksponentëve të PD fluksi i antarëve pritet të rritet në orët vijuese. Në degën e Korçës votojnë edhe anëtarët e bashkisë Pustec. Procesi ka nisur normalisht edhe në Tiranë.