4 transferime dhe dy shitje rreth 80 milionë eurosh. Zbulohet plani i Juventusit për verën

Pas dështimit të sezonit të kaluar, ku nuk arriti dot të kualifikohej në Champions League, Juventus do të nisë një projekt të ri, që sigurisht do të shoqërohet me ndryshime të shumta.

Tuttosport zbulon se drejtuesit e Juventusit po punojnë për të finalizuar 4 nënshkrime të reja, si dhe për të mbyllur dy shitje, nga të cilat presin të fitojnë rreth 80 milionë euro.

Për mbrojtjen, Juventus po negocion me Sassuolo-n për rikthimin e Tarik Muahremovic. Klubi bardhezi zotëron 50% të kartonit të boshnjakut.

Për mesfushën, Juventus po punon për të finalizuar dy transferime me kosto zero: Leon Goretzka nga Bayern dhe Franck Kessie nga Al ahli. Të dyve iu ka mbaruar kontrata me klubet aktuale dhe mund të vijnë si lojtarë të rinj.

Për sulmin, juventus ka zgjedhur Kolo Muani. Po zhvillohen konkretisht bisedime me PSG-në. Në anën tjetër, Juventus mund të finalizojë edhe dy shitje këtë verë: Andrea Cambiaso dhe njëri mes Gleison Bremer dhe Khepren Thuram.