Arbeloa dëshiron të rikthehet menjëherë në stol, kontakte me Leverkusen por gjermanët nuk janë të bindur

Alvaro Arbeloa dëshiron të rikthehet në rrugën e duhur menjëherë pas largimit nga Real Madrid. Ish-trajneri i “los blancos” nuk arriti të bëjë ndonjë paraqitje të mirë në Madrid si trajner, kur zuri vendin e Xabi Alonso.

Sipas “Bild”, trajneri spanjoll iu ofrua Bayer Leverkusen. Megjithatë, klubi gjerman, me sa duket, nuk e ndjeu kohën e duhur për t’i besuar atij një skuadër që pritet të garojë në krye të Bundesligës dhe të sfidojë Bayern Munich për titullin.

Për këtë arsye, drejtuesit e “aspirinave” kanë preferuar të përqendrohen në profile të tjera, duke besuar se Arbeloa ende duhet të përfundojë zhvillimin e tij përpara se të marrë përsipër një sfidë të këtij kalibri.

Arbeloa ndërtoi karrierën e tij si trajner brenda akademisë së të rinjve të Real Madrid, duke u ngjitur gradualisht nëpër radhët e deri sa arriti në ekipin e parë. Një rrugë që i ka lejuar atij të fitojë përvojë dhe të arrijë rezultate të rëndësishme.