ARRSH: Devijohet përkohësisht trafiku në segmentin Komuna e Parisit – rruga e re Tiranë-Elbasan

Autoriteti Rrugor Shqiptar njoftoi të enjten devijimin e përkohshëm të trafikut në segmentin rrugor Komuna e Parisit – rruga e re Tiranë-Elbasan.

Sipas ARRSH-së, kërkesa e pjesshme e sipërmarrësit dhe mbikqyrësit të punimeve për një devijimin të përkohshëm të trafikut në këtë segment, deri në marrjen e masave suplementare të sigurisë dhe sinjalistikës, erdhi për të eliminuar aksidentet rrugore në një zonë të papërfunduar.

Pavarësisht kërkesave të vazhdueshme për mbylljen e gjithë trafikut në gjatësinë e plotë të këtij segmenti (Komuna e Parisit- rruga e re Tiranë- Elbasan) duke nisur nga Mbikalimi i Saukut deri në Komunën e Parisit, nga ARRSH-ja u vendos për mbyllje të pjesshme vetëm në segmentin e fundit të rrugës, qe u vlerësua si zona më e rrezikshme, me qëllim për të lënë të lirë trafikun dhe qarkullimin.

ARRSH bën të ditur edhe skemën mbi devijimin e përkohshëm të trafikut që do të realizohet me mbështetjen e Policisë së Shtetit.

Konkretisht:

• Bllokimi hyrje / dalje në kantier në CS7 në Komunen së Parisit (Segmenti ku bëhet lidhja e këtij objekti me objektin tjetër “Ndërtim Unaza e Re e Tiranës (Seg.Komuna e Parisit-Shkolla Teknologjike,pjesa e mbetur 0.000-0.640km) zonë e rrezikshme për aksidente të mundshme.
• Bllokimi hyrje/dalje në kantier tek rrethrrotullimi nënkalimit (pranë digës Liqeni Artificial)
• Devijim trafiku i rruges Elbasan-Tiranë, tek dalja e nënkalimit nga Cs 76-Cs 44 (diga e Liqenit Artificial)

Skema e miratuar edhe nga sektori i sinjalistikës paraqet elementet e sinjalistikës rrugore sipas Kodit Rrugor për bllokimin e hyrje/daljeve në fillim të kantierit të punimeve.