Arteta: Ishte faull, duhej guxim për të thirrur gjyqtarin në VAR dhe anulluar golin

Fitorja 1-0 e Arsenal ndaj West Ham vazhdon të jetë objekt diskutimi, veçanërisht për shkak të një goli të anuluar për vendasit në kohën shtesë. “Topçinjtë” e mbajtën epërsinë 1-0 në stadiumin e rivalëve falë ndërhyrjes së VAR, e cila eliminoi golin e barazimit të mundshëm të “Hammers” në minutën e 99-të pas një rishikimi të gjatë.

Callum Wilson kishte gjetur rrjetën dhe barazuar shifrat, që dukej se i kishte siguruar West Ham një pikë vendimtare në përpjekjen e tyre për mbijetesë në Premier League, por pamjet zbuluan një ndërhyrje të gabuar ndaj David Raya pas krosit fillestar.

Sulmuesi i West Ham po mbante krahun e portierit spanjoll, gjë që ndikoi në vendimin e gjyqtarit. Pas më shumë se katër minutash shqyrtimi dhe 17 përsëritjeve të shikuara, gjyqtari Chris Kavanagh u thirr për një rishikim në fushë dhe vendosi ta anulonte golin.

Ky vendim i lejoi Arsenal të mbante tre pikë vendimtare në garën e tyre për titull, duke u larguar pesë pikë nga Manchester City me dy ndeshje të mbetura. Pas ndeshjes, Mikel Arteta vlerësoi hapur punën e gjyqtarëve dhe VAR.

“Kur më duhej t’i kritikoja, e bëra, por dje ata meritojnë lëvdata. U desh karakter për ta thirrur gjyqtarin të rishihte pamjet në VAR. Duke parë pamjet filmike, faulli është i qartë, nuk ka dyshim për këtë“, tha Arteta.