Atletico fiton betejën e parë ndaj Bayernit, Guardiola fajeson lojtaret
Atletico Madridi ka fituar betejën e parë ndaj Bayern Munichut, duke e mposhtur 1:0 në ‘Vicente Calderon’.
Djelmoshat e Diego Simeones kanë marrë një rezultat tejet të mirë në ndeshjen e parë gjysmëfinale ndaj Bayern Munichut, duke e mposhtur skuadrën e Pep Guardiolës me rezultat minimal 1:0, në një ndeshje ku skuadrat dhuruan spektakël për gjithë të pranishmit në stadium.
Golin e vetëm në këtë takim e shënoi 21 vjeçari, Saul Niguez, në minutën e 11’të. Deri në fund të takimit, Bayerni u mundua me të gjitha forcat që të shënojë të paktën një gol si mysafirë që do të vlente shumë për ndeshjen e kthimit në ‘Alianz Arena’, por ishin të pa fuqishëm kundër një mbrojtje tejet mirë të koordinuar të skuadrës madrilene.
Ky rezultat i shkon për shtati skuadrës së Simoenes, megjithatë Bayerni ka qenë gjithmonë skuadër e rrezikshme në ‘Alianz Arena’, ku ka ditur të shënojë shumë gola.
Portieri i Atleticos, Jan Oblak, e ka pranuar se do ta kenë të vështirë në ‘Alianz Arena’ në ndeshjen e kthimit, por ka thënë se nuk i frikësohen Bayernit.
Kurse Pep Guardiola, trajneri i Bayernit, thotë se ekipi i tij duhet të luajë shumë mirë në takimin e kthimit ndaj Atleticos për të kaluar në finalen e Ligës së Kampionëve. Ai ka kritikuar skuadrën e tij për lojë jo të mirë në Spanjë, që shpreson se nuk do të përsëritet në Gjermani.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.