Balfour: Mali i Zi mund të bëhet anëtar i BE-së në pesë vjet

Mali i Zi teorikisht mund të bëhet anëtar i Bashkimit Evropian për pesë vjet, por reformat politike janë të nevojshme dhe Brukseli të tregojë përkushtim më të madh – vlerëson për Pobjeda, Rosa Balfour, drejtore e organizatës joqeveritare Carnegie Europe.

Ajo vlerësoi, duke komentuar vlerësimin e presidentit të sapozgjedhur të Malit të Zi, Jakov Milatoviq, se Mali i Zi mund të anëtarësohet në BE në pesë vitet e ardhshme, se kjo është teorikisht e mundur dhe se përkon me planin e ri financiar shumëvjeçar të BE duke filluar nga viti 2027.

Ajo beson se pikënisja janë zgjedhjet e planifikuara parlamentare dhe se atëherë Bashkimi Evropian duhet të dyfishojë mbështetjen për Malin e Zi.