Banka Botërore miraton 300 milionë dollarë për Egjiptin shkak pasojat e luftës në Iran

Banka Botërore ka miratuar një paketë financimi prej 1 miliard dollarësh për Egjipti, me synim përballimin e vështirësive ekonomike që lidhen me tensionet dhe luftën SHBA-Izrael kundër Iranit. Lajmi u bë i ditur nga Stephane Guimbert, drejtor i divizionit të Bankës Botërore për Egjiptin, Jemenin dhe Xhibutin.

Paketa përfshin 800 milionë dollarë financim nga Banka Botërore dhe një garanci prej 200 milionë dollarësh nga Mbretëria e Bashkuar. Sipas bankës, fondet do të përdoren për mbështetjen e krijimit të vendeve të punës nga sektori privat, ruajtjen e stabilitetit makroekonomik dhe përshpejtimin e tranzicionit të gjelbër në vend.

Guimbert deklaroi se pjesa e financimit nga Banka Botërore u rrit nga 500 në 800 milionë dollarë për shkak të pasigurisë në rajon dhe ndikimit ekonomik që po shkakton lufta në Iran. Ai theksoi se kredia ofrohet me kushte më të favorshme sesa ato të tregjeve komerciale, me interes rreth 6 për qind, maturim 30-vjeçar dhe një periudhë mospagimi përpara nisjes së kthimit të huasë.

Ky operacion përfaqëson fazën e dytë të një programi me tre pjesë për Egjiptin. Faza e parë u miratua në qershor të vitit 2024, ndërsa faza e tretë pritet të realizohet gjatë vitit të ardhshëm. Sipas Bankës Botërore, edhe institucione të tjera financiare ndërkombëtare, përfshirë Banka Aziatike e Investimeve në Infrastrukturë, pritet të ofrojnë financime shtesë paralelisht me këtë paketë.