Barcelona ngre stekën, kërkon një nga qendërmbrojtësit më të mirë në botë. Problem është çmimi, 100 milionë euro

Pasi dështoi marrëveshja për një transferim të mundshëm të Alessandro Bastonit, për të cilin thuhet se Hansi Flick nuk ishte dakord për ardhjen e tij, sipas medieve spanjolle, Barcelona është futur në garë për një nga qendërmbrojtësit më të mirë në qarkullim.

Eksperti i merkatos, Ekrem Konur, zbulon se objektivi i madh i Barcelonës për të forcuar qendrën e mbrojtjes është William Saliba. Katalanasit nuk do ta kenë aspak të lehtë për disa arsye.

Së pari, Saliba është lideri i mbrojtjes së Arsenalit dhe vështirë se londinezët do të pranonin largimin e tij në këtë moment. Së dyti, edhe nëse Arsenal do të pranojë largimin e Saliba, do të duhen të paktën minimumi 100 milionë euro. Së treti, për francezin interesohen edhe klube të tjera të mëdha si Bayern Munich, PSG e Real Madrid, gjendja financiare e të cilave për momentin është më e mirë sesa ajo e Barcelonës.