Berisha në burg? Sa të kemi Llallën…

se prapë llogaritesh,
tamam si faktor!

Sepse llogaritesh,
tamam si faktor,
dhe më keq u ngule,
në televizor!

Drejt e m’u në kokë,
si s’të ra një gjyle,
kur del e mbron sot,
të drejtat civile!

Çdo të enjte ndez,
në një gotë furtunën,
me gojën kamare,
denoncoke dhunën!

Epo të pëlcasësh,
kur flet ti i marrë,
që s’ke gojë të flasësh,
se njerëz ke vrarë!

Ti kasap e quan,
ditën më të zezë,
thjeshtë se u ndaluan,
ca që hodhën vezë!

Ndalime do ketë,
more faqezi,
po s’nxorri kush armët,
s’u gjakos njeri!

Mos vër ulërimën,
si një qen i zi,
se ti ke vrarë njerëz,
o mortja Sali!

Mos vër ulërimën,
mos na bëj kaq zhurmë,
se rrëmbeve njerëz,
i zhduke pa gjurmë!

Ti duhet të ishe,
me kohë në qeli,
jo të nxish Kuvendin,
si një ujk i zi!

Rama ka kusure,
ja kam thënë si burrë,
po krimet e tua,
ai s’i bën kurrë!

Rama ka probleme,
kritikat ka hak,
po për një kolltuk,
ai nuk derdh gjak!

Për ty s’do ketë pranga,
sa të kemi Llallën,
ama-kur flet ti,
duhet ta lënë sallën!

Të dali “Rilindja”,
sallën ta lërë bosh,
pastaj kakaris,
si palo kokosh!

E majta të dali,
të të lërë si trap,
meqë Ilir Meta,
nuk të bën dot zap!

Ulëri i vetëm,
në atë foltore,
që ti e ke kthyer,
në një nevojtore!

Je në llum i zhgërryer,
po nuk ke marrë fund,
se kafshon këdo,
dhe kudo që mund!

Dhe këdo që mund,
me hak e pa hak,
se s’u gjend për ty,
Çeçua me bixhak!

Kurrë s’u bë gati,
për ty një qeli,
sepse drejtësia ende,
ka emrin Sali!

Dhe më budallai,
kleçkën e kupton,
Saliu-Saliun,
s’ka si e dënon!

Rilindja që kemi,
s’vlen një cent për mua,
gjersa nuk është marrë,
me krimet e tua!