Bernardo Silva për të ardhmen: Ja kur do ta zbuloj se ku do të luaj sezonin tjetër

E vetmja siguri është se ai do të largohet nga Manchester City në fund të këtij sezoni pas nëntë vitesh nën drejtimin e Pep Guardiola, si transferim i lirë. Bernardo Silva po ndiqet nga shumë klube, përfshirë ato prestigjioze dhe Juventus është klubi italian që ka bërë lëvizjet e para dhe më këmbëngulëse.

Një konkurrent shumë i fortë për bardhezinjtë duket se ishte Benfica, e cila donte ta shfrytëzonte lojtarin, duke besuar se ai mund të tundohej të kthehej në Portugali. Vetë Bernardo Silva ka mohuar një rikthim në klubin që ai e nisi si profesionist në vitin 2013.

“Ka pasur kontakte, por unë thashë jo. Do të doja të kthehesha atje, sigurisht, por vetëm në një fazë tjetër të karrierës sime. Shpresoj që Benfica të më mirëpresë në atë pikë, por nuk jam i sigurt“, tha mesfushori.

Me klubin portugez jashtë loje për momentin, Juventus ende duhet të mposhtë konkurrentët e tjerë, përfshirë dy ekipe ndërkombëtare të nivelit të lartë si Barcelona dhe Atlético Madrid.

Port ë gjithë do të duhet të presim më pak se një muaj për të mësuar se çfarë e pret të ardhmen e tij, siç deklaroi Bernardo në të njëjtën intervistë: “Plani është të zgjedh ekipin tim të ardhshëm përpara se të nisem për në Kupën e Botës me Portugalinë.”