Bosnje, vriten dy ushtarë; rriten masat e sigurisë në Sarajevë

Një person i armatosur me një pushkë automatike ka vrarë mbrëmjen e së mërkurës në një periferi të Sarajevës dy ushtarë të forcave të armatosura boshnjake.

Menjëherë më pas, autori ka hapur zjarr ndaj një autobusi të transportit publik, duke plagosur një ushtarak tjetër dhe dy civilë.

Sipas edicionit online të së përditshmes “Dnevni Avaz”, personi ka vrarë më pas veten. Menjëherë janë mbledhur në një takim urgjent krerët e qeverisë dhe përgjegjësit e forcave të sigurisë.

Forcat e armatosura janë vendosur në gjendje gatishmërie, ndërsa janë rritur masat e sigurisë në të gjitha komplekset ushtarak.