Bullgaria: Deklaratat e Lavrovit për Maqedoninë të papërgjegjshme

“I konsideroj ekstremisht të papërgjegjshme deklaratat e sotme të ministrit të Jashtëm rus, Sergei Lavrov, gjatë punimeve të Këshillit të Federatës së Asamblesë Federale të Rusisë dhe insinuatën e tij, sipas së cilës Republika e Maqedonisë mund të ndahet mes Bullgarisë dhe Shqipërisë”, deklaroi ministri i Jashtëm bullgar, Daniel Mitov. “Bullgaria ka mbështetur më shumë se të gjitha vendet e tjera pavarësinë dhe sovranitetin e Maqedonisë dhe ishte vendi i parë që njohu Republikën e Maqedonisë”, theksoi Mitov.