Politika
Celibashi përmbledh ecurinë e votimeve në rang vendi, thirrje autoriteteve: Të mos lejohen persona të paautorizuar në qendrat e votimit
“Ajo çfarë merr shumë rëndësi në këtë moment është ecuri e procesit nëpër qendra votimi. 77% e qendrave të votimit e kanë filluar procesin e votimit në 07:00. 18% ë 07:30 ndërsa 11% pas orës 08:00. Prej disa orësh ka 0 qendra votimi që nuk kanë kuorum. Kemi pasur disa ndërprerje për shkak të ndërprerjes elektrike në Fierzë dhe në Shijak. Kemi pasur probleme në lidhje me fletët e votimit ku në Fier mungonin 500 fletë votimi në Fier. Nga komunikimi që kemi me policinë mbi incidente mundshme, kemi dy incidente një me komisionerin në Fushëkrujë dhe një në Dibër. Kemi disa raste denoncimesh, janë 14 të denoncuara deri më tani. Kemi marrë shqetësime në lidhje me përdorimin e bojës matrikulluese mbi prezencën e personave të paautorizuar. Kemi pasur një shqetësim të ngritur për procesin elektronik në Elbasan ju thuhet se zgjedhja e votuesit dhe fleta e votimit janë të ndryshme. Për të gjitha këto përgjigja ime është sqarimi. Jemi dëshmitarë që historia e bojës ka qenë në vëmendje sepse ka plot votues që e fshijnë bojën por janë pamje që në çdo zgjedhje i shikojmë. Procesi i votimit është duke shkuar normalisht. Është kaluar problematika e identifikimit elektronik. Një çështje që dua të sjell në vëmendje të organeve ligjzbatuese, është prania e personave të paautorizuar në qendrat e votimit. Autoritetet ligjzbatuese ta adresojnë si shqetësim dhe të merren masa. Është e papranueshme që qytetarë që nuk kanë lidhje të rrinë në ambientet e brendshme të votimit. Duhet të boshatisen menjëherë dhe çdokush që refuzon do të mbajë përgjegjësi. Të gjitha pajisjet janë të konfiguruara me një software unik.”-tha Celibashi.
