Cucurella: Marrëveshja për transferimin tim te Real Madrid u mbyll brenda dy ditësh

Marc Cucurella foli për transferimin e tij nga Chelsea te Real Madrid, duke zbuluar se si marrëveshja u përfundua në kohë rekord të dielën e kaluar. “Gjithçka u bë brenda një dite e gjysmë ose dy. Për mua, është shumë më mirë kështu, shumë më shpejt dhe pa dhimbje koke“, tha spanjolli.

Mbrojtësi shpjegoi se nuk pati asnjë hezitim kur “los blancos” më telefonuan: “Kishte disa mundësi, por kur erdhi ajo e Real Madrid as nuk e mora në konsideratë. Është një mundësi unike; të luash këtu është një nder. Ky klub ka një mistikë të paparashikueshme, siç e kemi parë shpesh me rikthimet historike.”

Mbrojtësi katalanas më pas iu drejtua me qetësi çështjes së të kaluarës së tij në Barcelonë: “Jeta ka faza të ndryshme. Më është dashur të marr një vendim të madh dhe nuk kam dyshime. Çdo futbollist ëndërron të garojë midis elitës, dhe që në moshë të re, shpreson të luash për ekipe të mëdha”.

“Real Madrid është një nga ato ekipe; është klubi me më shumë tituj të Ligës së Kampionëve”, tha Cucurella, që zbuloi detaje nga biseda e tij private me trajnerin e tij të ri, José Mourinho: “Folëm dhe ai më tha se ishte vërtet i etur të punonte me mua, se do të përshtatesha shumë mirë dhe se më donte. Më uroi një Kupë Bote të mbarë dhe u morëm vesh të takoheshim në Madrid.”

I pyetur për thashethemin se trajneri i kishte thënë ‘do të të marr ty ose askënd tjetër’, spanjolli e injoroi me një buzëqeshje: “Nuk e di nëse e tha vërtet këtë; ai thjesht më tha se më donte. Jam i kënaqur me këtë besim dhe mezi pres të filloj.”