Deputetja 27-vjeçare Marjana Koçeku sfidon qeverinë, kërkon zgjedhje të parakohshme

Deputetja 27-vjeçare Marjana Koçeku, e cila pak ditë më parë deklaroi se ishte larguar nga grupi parlamentar i Partisë Socialiste dhe se do ta ushtrojë mandatin si deputete e pavarur, ka sfiduar qeverinë duke kërkuar shpërndarjen e Parlamentit dhe mbajtjen e zgjedhjeve të parakohshme.

Përmes një postimi në rrjetet sociale, Koçeku iu përgjigj kritikëve që i kërkojnë të heqë dorë nga mandati i deputetes.

“Nuk ua kam marrë mandatin e deputetit. Ma keni marrë ju mue, për 10 muej rresht. Tash mandati ka ardhë në vend të vet. Nëse jeni kaq të sigurt që unë nuk fitoj pa ju dhe ju i keni plot 83 mandate, atëherë shpërndajeni parlamentin, shkojmë në zgjedhje të parakohshme dhe masim forcat se kush fiton çka. Kësaj radhe do marr me vete kecin tim të shtrenjtë, bashkë me kmesën e mprehtë, dhe do zbres me kandidue në Tiranë. Para se të vij, ndoshta iu marr leje malësorëve të mi me e folë gjuhën standarde.”

Dputeja Marjana Koçeku u kandidua nga kryeministri Edi Rama në zgjedhjet parlamentare në qarkun e Shkodrës, në listën e mbyllur të Partisë Socialiste.