Doshi kërkon sërish shtyrjen e Këshillit, avokati: Eshtë sëmurë

Këshilli për Rregulloren, Mandatet dhe Imunitetin ka nisur mbledhjen për të shqyrtuar kërkesën e prokurorisë së Përgjithshme për arrestimin e deputetëve Tom Doshi dhe Mark Frroku.

E parashikuar të niste në orën 10:00, në mbledhjen e sotme nuk janë prezentë deputetët e akuzuar Doshi dhe Frroku të cilët përfaqësohen nga avokatët e tyre. Burime për shtypin bëjnë të ditur se nga ana e saj Partia Demokratike ka kërkuar që mbledhja të bëhet me dyer të hapura.

Ashtu sikurse në mbledhjen e shkuar, Këshilli do të jetë nën kryesimin e nënkryetarit të Kuvendit Vangjel Dule, pasi Meta është tërhequr për të shmangur konfliktin e interesin, duke qenë se është personi ndaj të cilit Doshi pretendon se ka paguar për vrasjen e tij dhe të demokratit Mhill Fufi.
​
Kjo mbledhje vjen në vijim të takimit të së shtunës, i cili u shty pasi dy kolegët kërkuan kohë të njihen me materialet e organit të akuzës.

Ora 11:08 Mungon Doshi, dërgon raport mjekësore kërkon shtyrjen e mbledhjes
Tom Doshi nuk do është prezent në mbledhjen e Këshillit të Mandateve. Burime për A1 Report bëjnë të ditur se ai do të përfaqësohet nga avokati i tij Vladimir Meçe, i cili ka paraqitur edhe raport mjekësor të dërguar nga klienti i tij Doshi.

Po të njëjtat burime saktësojnë se deputeti i përjashtuar nga PS ka kërkuar sërish shtyrjen e mbledhjes.

Ora 11:05 Nis mbledhja e Këshillit të Mandateve, PD kërkon të bëhet me dyer të hapura
Ka nisur mbledhja e Këshillit të Mandateve në Kuvendin e Shqipërisë ku do të shqyrtohet kërkesa e Prokurorisë së Përgjithshme për autorizimin e arrestimeve të deputetëve Tom Doshi dhe Mark Frroku. Në mbledhjen e sotme, e cila ishte parashikuar të niste në orën 10:00, burime për shtypinbëjnë të ditur se Partia Demokratike ka kërkuar që ajo të zhvillohet me dyer të hap –