Durmishi nga Baku: “Mos e shihni Maqedoninë e Veriut si treg të vogël, por si portë drejt 650 milionë konsumatorëve”

Ministri i Ekonomisë dhe Punës, Besar Durmishi, mori pjesë në Forumin e Dytë Ndërkombëtar të Investimeve të Azerbajxhanit – AIIF 2026, që u mbajt në Baku, ku para investitorëve ndërkombëtarë prezantoi potencialet ekonomike dhe mundësitë investuese të Maqedonisë së Veriut.

Në panelin “Rebuilding Trust in a Fragmented World: Azerbaijan as a Strategic Gateway Between Regions”, Durmishi theksoi se në kohë pasigurie globale, shtetet duhet të vazhdojnë investimet në infrastrukturë, energjetikë, digjitalizim, kapital njerëzor dhe kapacitete prodhuese.

Ai paraqiti avantazhet konkurruese të vendit: pozitën gjeografike strategjike në Korridoret 8 dhe 10, zonat industriale, sektorin e zhvilluar të automobilëve, si dhe qasjen në një treg me mbi 650 milionë konsumatorë përmes marrëveshjeve tregtare.

“Mos e shihni Maqedoninë e Veriut vetëm si treg të vogël vendas. Shihjani si platformë prodhimi, eksporti dhe rajonale”, tha ministri para investitorëve nga Europa dhe Azia.

Sipas tij, prioritet i Qeverisë mbetet tërheqja e investimeve me vlerë të lartë të shtuar, të cilat sjellin teknologji të reja, vende pune më të paguara dhe e lidhin biznesin vendas me zinxhirët globalë të vlerës.

Burimi: Biznis Vesti