E ardhmja e Cucurella te Chelsea në dyshim, Atletico Madrid dhe Barcelona duan ta sjellin në Spanjë

E ardhmja e mbrojtësit të majtë Marc Cucurella mund të jetë larg Chelsea dhe Premier League. Lojtari mbetet një objektiv i merkatos së Atletico Madrid, por edhe skuadra e Barcelonës është duke menduar seriozisht për anësorin spanjoll.

Në fakt, Barcelona synon të mbajë Joao Cancelo, por situara me portugezin nuk është e qartë (është në pronësi të Al Hilal). Ndërkohë që, shumica e burimeve të tyre do të përqendrohen në zëvendësimin e Robert Leëandoëski në qendër të sulmit.

Për pasojë, Atletico Madrid mbetet kandidati kryesor për të rikthyer në vendlindje Cucurella. Mbrojtësi 28-vjeçari mund të largohet nga Chelsea pas 4 vitesh, ku në total ka luajtur në 162 ndeshje dhe realizuar 9 gola.

Spanjolli ka një kontratë deri në vitin 2028 me londinezët dhe kostoja e transferimit të tij është rreth 50 milionë euro. Pritet që fjalën e fundit ta thotë trajneri i ri i Chelsea, Xabi Alonso, që synon ta mbajë patriotin e tij.