Enigma drejt fundit, Salah merr ofertën e pabesueshme brenda Europës nga një kampionat që po transferon shumë yje

Enigma për të ardhmen e Mohamed Salah është drejt fundit. Sipas të gjitha gjasave e ardhmja e egjiptianit do të jetë te Fenerbahce. Sipas A Spor, Fenerbahce po bën gjithçka për të nënshkruar me lojtarin egjiptian dhe tashmë ka filluar bisedimet me agjentin e tij.

Për të bindur Salah, klubi turk dëshiron t’i ofrojë atij një kontratë trevjeçare me vlerë 20 milionë euro në vit, duke arritur në total 60 milionë euro. Fenerbahce është e gatshme të bëjë gjithçka për transferimin e Salah, pasi e sheh ardhjen e tij si një mundësi të mirë për të rivalizuar Galatasaray-in në garën për titullin kampion.

Me shumë mundësi Salah do t’i bashkohet kështu yjeve të tjerë që kanë zgjedhur Superligën turke si Victor Osimhen, Leroy Sane, Ilkay Gundogan, Andre Onana etj. Superliga turke duket një destinacioni shumë i mrië për yjet që janë drejt fundit të karrierës. Për Salah ka interes konkret edhe nga Arabia Saudite dhe MLS, por Fenerbahce duket pista më e mundshme për momentin.