Europa League: “Hirushja” Freiburg jep shembullin si duhet të menaxhohet një klub

Finalja e Stambollit mes Freiburg dhe Aston Villa-s mund të konsiderohet edhe si dueli mes Davidit dhe Goliathit. Përballë formacionit favorit nga Birmingami do të jetë surpriza e turneut, Freiburg.

Në këtë takim ekipi gjerman nuk është rastësisht pasi tre në kampionatet më të rëndësishme gjermane luajnë më shumë se 60 lojtarë të akademisë së ekipit në fjalë.

Politikat në merkato e bëjnë suksesin e këtij ekipi edhe më të vlefshëm. Blerja më e shtrenjtë e Freiburg ka qenë Ritsu Doan, i cili u ble për 11.6 milionë euro në 2022.

Në 2025, Freiburg raportoi një fitim në bilancin vjetor prej 11.8 milionë euro edhe pse nuk luajti në asjë kompeticion europian ku siç dihet kompensimet financiare janë të mëdha. Freiburg gjithashtu nuk ka asnjë detyrim ndaj bankave.

Një tjetër e veçantë e këtij klubi qëndron edhe në stol. Në 2024-ën u largua njëri prej teknikëve më karizmatik të futbollit gjerman, Christian Streich, i cili qëndroi në detyrë për 12 vite. Tekniku jo vetëm që zhvilloi shumë lojtarë, por gjithmonë ka qenë një zë i fortë në futbollin gjerman për kauza tgë ndryshme.

I veçantë është edhe trajneri aktual, i cili ka qenë ish-asistent i Streich. Julian Schuster është i pesti trajner i Freiburg prej 1991 e deri më sot. Në po të njëjtën kohë Hamburg ka ndërruar 28 trajnerë (pa llogaritur të përkohëshmit).

Të gjithë këto faktorë bëjnë Freiburg një shembull për të gjitha ekipet.