Florian Wirtz: Erdhëm me ëndrra të mëdha por u larguam të zhgënjyer, do të rikthehemi sërish

Florian Wirtz luajti në ndeshjen që Gjermania u eliminua nga Kupa e Botës, në raundin e 32-tave, pasi humbi 4-3 me penallti ndaj Paraguait, pas një barazimi 1-1 pas kohës shtesë në Boston. Mesfushori i Liverpool luajti 110 minuta para se të zëvendësohej, ndërsa shpresat e Gjermanisë për një titull të pestë në Kupën e Botës morën fund.

Lojtari gjerman, pas mbërritjes në vendlindje, përdori mediat sociale për të shprehur zhgënjimin e tij pas eliminimit të dhimbshëm. Gjermania ka përjetuar një ecuri zhgënjyese në Kupën e Botës që nga ngritja e trofeut në vitin 2014. Wirtz postoi në faqen e tij në Instagram: “Kjo dhemb”.

“Kupa e Botës ka mbaruar për ne dhe është e vështirë të gjesh fjalët e duhura tani. Erdhëm këtu me ëndrra të mëdha, dhamë gjithçka si ekip dhe prapë nuk ishte e mjaftueshme në fund. Faleminderit të gjithë tifozëve për mbështetjen tuaj. Ata që udhëtuan me ne dhe të gjithë ata që ndoqën nga shtëpia”, tha Wirtz.

“E ndjemë këtë zhgënjim në çdo hap të rrugës, por jam krenar që përfaqësoj këtë vend dhe këtë ekip. Do të na duhet pak kohë për ta përpunuar këtë zhgënjim, por do të kthehemi. Faleminderit”, është deklarata e gjermanit pas eliminimit nga Kupa e Botës 2026.