FOKUS – Zjarret e verës në Evropë dogjën gjysmë milion hektarë tokë

PARIS, 4 shtator /ATSH-AFP/ – Që nga mesi i qershorit, rreth 540 000 hektarë janë djegur në të gjithë Bashkimin Evropian pas më shumë se 1 000 zjarreve – një sezon rekord ndërsa vera po i afrohet fundit, sipas të dhënave satelitore nga Sistemi Evropian i Informacionit për Zjarret në Pyje (EFFIS).

”Më shumë se 80% e afërsisht 647 000 hektarëve që janë djegur në BE që nga fillimi i vitit u dogjën nga zjarret që shpërthyen midis 18 qershorit dhe 2 shtatorit”, sipas Sistemit Evropian të Informacionit për Zjarret në Pyje (EFFIS).

Kjo zonë përfaqëson afërsisht nëntë herë madhësinë e kryeqytetit spanjoll, Madridit, ose 5 400 km².

Sipërfaqja totale e djegur gjatë kësaj periudhe vere është dukshëm më e lartë se mesatarja e 20 viteve të mëparshme.

Megjithatë, mbetet nën rekordin e vendosur në vitin 2025, kur zjarret dogjën më shumë se 800 000 hektarë, dhe nën rekordin e vendosur në verën e vitit 2007, i cili dogji dhjetëra mijëra hektarë më shumë.

Këtë vit, zjarret më shkatërruese ndodhën kryesisht në korrik, ndërsa ato janë më të zakonshme në gusht./ a.jor.