Gara republikane në SHBA, në krye Trump dhe Cruz

I preferuari i publikut republikan Donald Trump sulmoi sërish rivalin e tij brenda partisë, Ted Cruz për faktin se ka lindur në Kanada, duke vënë në dyshim të drejtën e tij për t’u zgjedhur president.
Në debatin më të fundit të pretendentëve republikanë për kandidaturën presidenciale, Trump i tha rivalit të tij se ka një pikëpyetje të madhe për të. Në debat u diskutuan edhe çështje të sigurisë, ekonomisë dhe politikës së jashtme. Në sondazhe, Trump dhe Cruz janë shumë përpara 5 rivalëve të tjerë republikanë që gjithashtu ishin në skenën e debatit që u zhvilluar në Carlestonin e Veriut.
Ky debat zhvillohet vetëm dy javë para testit të vërtetë të fushatës, pasi zgjedhësit në shtetin e Ajous do të votojnë për të preferuarin e tyre nga Partia Republikane. Deri së fundmi, Trump dhe Cruz ishin treguar shumë të sjellshëm me njëri-tjetrin, por tashmë që zgjedhjet po afrohen, mirësjellja i ka lënë vendin debatit të ashpër.
Trump mbrojti sërish mendimin e tij se duhen ndaluar përkohësisht myslimanët që të hyjnë në SHBA dhe tha se duhen ndaluar edhe refugjatët sirianë që hyjën në SHBA pasi janë një kalë troje që sjell njerëz që duan të lëndojë vendin.
Pas sulemeve ndaj njëri-tjetrit, të gjithë kandidatët sulmuan kundërshtaren demokrate Hilari Klinton, e cila është shpesh objektiv i tyre për kohën kur shërbeu si sekretare e shtetit. Zgjedhjet brenda partive, kur secila forcë politike zgjedh kandidatin e saj për president, nisi në shkurt, ndërsa zgjedhjet presidenciale zhvillohen në nëntor.