Godina e Kinostudios “Shqipëria e Re” përfshihet në listën prestigjioze evropiane të trashëgimisë filmike

Godina e Kinostudios “Shqipëria e Re” është përzgjedhur si pjesë e listës prestigjioze “Treasures of European Film Culture” nga European Film Academy, duke e vendosur Shqipërinë në mesin e destinacioneve më të rëndësishme të trashëgimisë filmike në Evropë. Ministria e Kulturës, Turizmit dhe Sportit shprehet se Kinostudio ka qenë zemra e kinematografisë shqiptare. “Ky vlerësim nuk është thjesht simbolik ai njeh rolin historik të Kinostudios, e cila që nga viti 1952 ka qenë zemra e kinematografisë shqiptare, vendi ku janë krijuar filmat që kanë formësuar identitetin kulturor të vendit.

Godina e Kinostudios “Shqipëria e Re” është përzgjedhur si pjesë e listës prestigjioze “Treasures of European Film Culture” nga European Film Academy, duke e vendosur Shqipërinë në mesin e destinacioneve më të rëndësishme të trashëgimisë filmike në Evropë. Ministria e Kulturës, Turizmit dhe Sportit shprehet se Kinostudio ka qenë zemra e kinematografisë shqiptare. “Ky vlerësim nuk është thjesht simbolik ai njeh rolin historik të Kinostudios, e cila që nga viti 1952 ka qenë zemra e kinematografisë shqiptare, vendi ku janë krijuar filmat që kanë formësuar identitetin kulturor të vendit.

Shqipëria renditet krah vendeve të tjera evropiane me histori të pasur filmike, duke tërhequr vëmendjen ndërkombëtare. Ky është një moment krenarie që mund të hapë dyer të reja për industrinë e filmit në Tiranë dhe më gjerë”, thuhet në njoftimin nga MTKS. Ndërkohë që dhe Qendra Kombëtare e Kinematografisë shprehet për një lajm historik për trashëgimin kinematografike shqiptare.

“Pas aplikimit nga QKK, godina e Kinostudios është shpallur zyrtarisht Trashëgimi Kulturore e Kinematografisë Europiane nga European Film Academy. Një vlerësim i jashtëzakonshëm ndërkombëtar dhe një krenari e madhe për kulturën dhe historinë tonë”, thuhet nga QKK në një reagim. Godina së ish -Kinostudios monument kulture më parë u përfshi dhe në procese restaurimi.

Ndërtesa historike e ish-Kinostudios vazhdon të jetë një pikë referimi interesante arkitektonike. Ky kompleks neoklasik u projektua nga një grup arkitektësh sovjetikë dhe u ndërtua nga specialistët shqiptarë në vitet 1950-1952. Kinostudio “Shqipëria e Re” u themelua më 10 korrik të vitit 1952 nga rusët. Realizimi i parë i saj është bashkëprodhimi shqiptaro-rus “Skënderbeu”. Ky është i pari realizim “kolosal” i prodhuar nga kjo studio kinematografike. Në vitin 1957 prodhohet filmi i parë i një regjisori shqiptar, Hysen Hakani.