Gonxhja: Festivali “Bread & Heart”, pikëtakimi i arkitekturës, kulturës dhe zhvillimit urban

Festivali “Bukë dhe Zemër” (Bread & Heart) i përqendruar te arkitektura dhe urbanistika mblodhi në Tiranë arkitektë e urbanistë nga e gjithë bota. Pjesë e aktiviteteve ishte dhe promovimi i “A Private Glossary”, një vepër e autorëve Stefano Boeri dhe Amos Gitai, që ndërthur arkitekturën, kinemanë, kujtesën dhe reflektimin mbi botën bashkëkohore. Blendi Gonxhja ministër i Turizmit, Kulturës dhe Sportit që ishte i pranishëm në këtë promovim shprehet se vepra ofron një reflektim të thellë mbi marrëdhënien mes hapësirës, historisë dhe njeriut.

“Në edicionin e dytë të festivalit “Bukë dhe Zemër” (Bread & Heart), pikëtakimin e arkitekturës, kulturës dhe zhvillimit urban, për ceremoninë e promovimit të librit “A Private Glossary”, të autorëve Stefano Boeri dhe Amos Gitai, një vepër që ndërthur arkitekturën, kinemanë, kujtesën dhe reflektimin mbi botën bashkëkohore. Libri është rezultat i një dialogu shumëvjeçar mes arkitektit italian Stefano Boeri dhe regjisorit e artistit izraelit Amos Gitai, duke sjellë në formën e një “fjalori personal” tema që lidhen me identitetin, qytetin, kujtesën, familjen, migrimin, kulturën dhe sfidat e kohës sonë.

Përmes përvojave personale dhe profesionale të dy autorëve, vepra ofron një reflektim të thellë mbi marrëdhënien mes hapësirës, historisë dhe njeriut, duke e kthyer librin në një dialog unik mes arkitekturës dhe artit”, shprehet Blendi Gonxhja në rrjete sociale. Në vijim Gonxhja thotë se në “Bread & Heart” morën pjesë edhe disa prej bashkëpunëtorëve në projektet më të rëndësishme kulturore të vendit. Sipas ministrit Gonxhja prania e tyre në Tiranë konfirmon rëndësinë e bashkëpunimeve ndërkombëtare në realizimin e projekteve që po transformojnë peizazhin kulturor e turistik të Shqipërisë.