Haaland dhe Rodri te Real Madridi? Premtimi bombastik i rivalit të Perez për president ndez fushatën

“Bomba” e merkatos, e hedhur natën e kaluar nga Enrique Riquelme, rivali i Florentino Pérez në garën për presidencën e Real Madridit, shkaktoi reagime: “Nëse do të fitoj zgjedhjet, do të sjell në ‘Bernabeu; dy lojtarë, Rodri dhe Erling Haaland”. Premtim që ndezi rrjetet sociale dhe ëndrrat e tifozëve madrilenë.

Shpejt, pas zhurmës, erdhën mohimet e para. Manchester City nuk shqetësohet nga këto deklarata dhe beson se Rodri, në negociata për rinovim kontrate, një ditë mund ta ëndërrojë Realin, por jo tani. Ndërsa për Haaland qëndrimi është i qartë; konsiderohet i pashitshëm dhe gur themeli i projektit të ri.

Edhe rrethi i lojtarit reagoi. Agjentja Rafaela Pimienta dhe babai Alfie Haaland deklaruan për Fabrizio Romano: “Gjithçka shumë argëtuese, por absolutisht jo e vërtetë. Iu urojmë të mirën të dy kandidatëve në garën për presidencën e Real Madridit”. Çështja mbyllet, të paktën deri në ‘bombën’ e radhës nga Riquelme.