Julian Alvarez bën hapin e madh për të nënshkruar me Barcelonën. Tani topi është në duart e Laportës

Sipas Sport, Julian Alvarez ka njoftuar Atletico Madridin se dëshiron të transferohet te Barcelona. Prej kohësh përflitet për interesimin e katalanasve ndaj sulmuesit argjentinas, por engociatat zyrtare mes palëve janë shumë larg nisjes.

Tek Atletico Madrid nuk ndryshojnë qëndrim, Alvarez do të largohet vetëm për shifrën 200 milionë euro. Argjentinasi është nën kontratë me “Colchoneros” deri në vitin 2030, çka e vendos klubin madrilen në pozita komode.

Po ashtu, Atletico Madrid ka lënë të kuptohet se nuk dëshiron të përfshijë lojtarë të tjerë në marrëveshje, për të ulur koston. Tani topi është në duart e Joan Laportës dhe drejtuesve të tjerë të katalanasve, të cilët janë të vetëdijshëm se duan të paguajnë 200 milionë euro, nëse duan që Alvarez të veshë fanellën e Barcelonës.