Juve nuk heq dorë nga Lewa, agjenti i polakut “kapet mat” në Torino

Zhvillime të rëndësishme në merkato, me Juventus që po tenton një goditje të madhe në sulm. Sipas raportimeve të La Stampa, protagonisti i kësaj lëvizjeje është super-agjenti Pini Zahavi, i cili ndodhet në Itali për të diskutuar të ardhmen e Robert Lewandowski. Pas një ndalese në Milano, Zahavi ka mbërritur në Torino, ku ka zhvilluar […]

Zhvillime të rëndësishme në merkato, me Juventus që po tenton një goditje të madhe në sulm. Sipas raportimeve të La Stampa, protagonisti i kësaj lëvizjeje është super-agjenti Pini Zahavi, i cili ndodhet në Itali për të diskutuar të ardhmen e Robert Lewandowski. Pas një ndalese në Milano, Zahavi ka mbërritur në Torino, ku ka zhvilluar kontakte me drejtuesit bardhezi.

Objektivi është i qartë: të vlerësohet mundësia e transferimit të sulmuesit polak nga Barcelona te Juventusi. Një operacion që deri pak kohë më parë dukej i parealizueshëm, por që tani po merr formë konkrete, edhe për shkak të situatës së klubit katalanas, i përfshirë në një ristrukturim të thellë.

Lewandowski, pavarësisht moshës, vazhdon të jetë një garanci golash, por pengesa kryesore mbetet paga e tij e lartë. Megjithatë, hapja e Zahavit për një marrëveshje të re, me kontratë të shpërndarë në dy sezone, mund të lehtësojë arritjen e akordit.

Në këtë garë, Juventusi duket se ka kaluar Milan, që ndërkohë po shqyrton alternativa të tjera. Nga ana e tij, Lewandowski kërkon garanci teknike dhe pjesëmarrje në Champions League—kushte që skuadra e drejtuar nga Luciano Spalletti është gati t’i plotësojë.

Orët në vijim pritet të jenë vendimtare: me Zahavin ende në Itali, priten zhvillime që mund të përcaktojnë të ardhmen e njërit prej sulmuesve më të mëdhenj të futbollit europian. Ndërkohë si Juventus dhe Milan kanë në vëzhgim edhe sulmuesin e Bayern Munich, Nicolas Jackson. Bavarezët nuk do të aplikojnë të drejtën e blerjes së kartonit nga Chelsea dhe në këtë mënyrë për sulmuesin senegalez, Italia është një destinacion më shumë se i mundshëm.