Katastrofë për Shkupin: Brera i shënon shtatë gola në Ligën e Dytë

Brera e Strumicës ka shënuar një fitore spektakolare me rezultatin 7-0 ndaj Shkupit, në ndeshjen e javës së pestë të Ligës së Dytë të Maqedonisë. Skuadra vendase dominoi plotësisht takimin, duke e kthyer atë në një mbrëmje për t’u harruar për miqtë nga Shkupi.

Gjithçka nisi shumë herët: Velkov zhbllokoi rezultatin që në minutën e 4-të, duke i dhënë Brerës epërsinë 1-0 dhe tonin e gjithë ndeshjes. Që nga ai moment, diferenca mes dy skuadrave u thellua gjithnjë e më shumë.

Pjesa e dytë ishte një shfaqje e vërtetë e vendasve, të cilët shënuan pa u ndalur, ndërsa Shkupi u paraqit katastrofal në fushë, pa reagim dhe pa organizim në asnjë repart.

Me këtë triumf bindës, Brera ngjitet në vendin e dytë të renditjes me 13 pikë, duke pasur një ndeshje më pak të zhvilluar. Pelisteri mban kreun me 14 pikë, ndërsa Ohridi renditet i treti me 12 pikë.

Burimi: Sport1.mk