Knezeviq vizitoi varrin e Mlladiqit në Beograd: ‘Çdo zog në folenë e vet, dhe unë te komandanti serb’

Lideri i Partisë Popullore Demokratike (DNP) Milan Knezeviq vizitoi në Beograd varrin e kriminelit të dënuar të luftës Ratko Mlladiq, disa ditë pasi ky i fundit u varros më 7 shtator.

Knezeviq nuk kishte marrë pjesë në varrimin e Mlladiqit për shkak të udhëtimit zyrtar në Shtetet e Bashkuara të Amerikës.

Në postimin e tij në Facebook, pranë fotografive nga varri, ai shkroi: “Svaka ptica svome jatu, i ja srpskom komandantu” (“Çdo zog në folenë e vet, dhe unë te komandanti serb”).

Në varrimin e ish-komandantit të Ushtrisë së Republikës Srpska kishin marrë pjesë deputeti dhe anëtari i Kryesisë së DNP-së Vladislav Bojoviq dhe Mihailo Asanoviq, kryetar i komunës së Zetës dhe anëtar i Kryesisë; në emër të Milan Knezeviqit në varrim kishte marrë pjesë vëllai i tij Mirko.

Burimi: Vijesti