Koncerti i Kanye West, linjë e dedikuar autobusësh për të shmangur trafikun

Agjencia për Media dhe Informim (MIA) përcolli në rrjetet sociale disa informacione të nevojshme për lëvizjen drejt koncertit të Kanye West, ditën e shtunë, 11 korrik.

MIA ftoi personat që do ta ndjekin live këtë event, të zgjedhin mënyrën më të zgjuar për të udhëtuar dhe për të shmangur trafikun.

“Përdorni linjën e dedikuar të autobusëve ose transportin publik për të mbërritur lehtësisht dhe në kohë”, shkruan MIA. Një tjetër këshillë është të lihet makina në shtëpi, për të kursyer kohë dhe që mbrëmja dhe koncerti në “Eagle Stadium” të shijohen pa stres.

MIA thotë se linja të diponueshme autobusësh janë: L.4 – City Park – Qendër / L.13 – Tirana e Re / L.3 Kashar / L.58 – Institut – Qendër.