Kryeministri i Malajzisë pranon si “dhuratë ” 681 milionë dollarë nga familja mbretërore saudite

Prokuroria e shtetit të Malajzisë, ka njoftuar se 681 milionë dollarë të gjetura në llogarinë private të kryeministrit të Malajzisë, Najib Razak, janë dhuratë nga familja mbretërore saudite.

Hetimet janë mbyllur për shkak se siç thuhet, nuk bëhet fjalë për korrupsion apo ndonjë vepër penale, transmeton Telegrafi.

Përfshirja e familjes mbretërore saudite në këtë rast, është një kthesë e papritur në skandalin rreth transfertave të parave misterioze dhe fondit të trazuar shtetëror, ku bordi këshillues kryesohet nga Razak.

“Rezultatet e hetimit tregojnë se nuk bëhet fjalë për ryshfet apo mashtrim”, ka deklaruar prokurori i shtetit Mohamed Apandi.

Ndërkaq gazetarëve u është thënë se Najib u ka kthyer paratë familjes mbretërore saudite.