Kupa e Botës 2026/ Ekran i madh në Central Park për finalen, priten 50,000 tifozë

Kupa e Botës 2026/ Ekran i madh në Central Park për finalen, priten 50,000 tifozë

“Nuk keni pse të shpenzoni mijëra dollarë për të parë finalen e Kupës së Botës.” Me këtë mesazh, kryetari i bashkisë së Nju Jorkut, Zohran Mamdani, për ta bërë Kupën e Botës 2026 një festë të madhe publike, njoftoi se finalja e 19 korrikut do të transmetohet falas në Central Park.

Eventi do të zhvillohet në lëndinën e madhe të parkut dhe do të mirëpresë 50,000 njujorkezë të përzgjedhur me llotari. Kryetari demokrat i bashkisë njoftoi gjithashtu aktivitetet e planifikuara për ditën, duke përfshirë një mini arenë FIFA, turne dhe ndeshje miqësore.

Një tifoz i zjarrtë i sportit, Mamdani arriti një marrëveshje me Presidentin e FIFA-s, Gianni Infantino, në fund të majit për t’u shitur bileta me zbritje banorëve të Nju Jorkut. Global Citizen do të shpërndajë afërsisht 40,000 bileta falas përmes një sistemi llotarie, me 10,000 të tjera të rezervuara për grupet e futbollit të të rinjve, organizatat komunitare dhe organizatat jofitimprurëse.

“Ne po numërojmë mbrapsht minutat derisa Kupa e Botës të vijë në Nju Jork dhe presim që mbi një milion njerëz – më shumë se një milion – të vijnë nga e gjithë bota në rajonin tonë të bukur”, tha Guvernatorja Kathy Hochul. “Dhe ne duam që secili prej tyre të ketë një përvojë të klasit botëror dhe që çdo banor i Nju Jorkut të jetë pjesë e magjisë së Kupës së Botës”, shtoi ajo.