Kurti kërkon takim të përbashkët me Hamzën, Abdixhikun dhe Gjinin

Kryetari i Lëvizjes Vetëvendosje dhe njëherësh kryeministri në detyrë, Albin Kurti, ka kërkuar një takim të përbashkët me liderët e partive të ish-opozitës.

KosovaPress ka mësuar se Kurti sërish u ka kërkuar takim krerëve të partive opozitare për të gjetur një zgjidhje për çështjen e presidentit.

Ndryshe nga ftesat e kaluara, KosovaPress ka mësuar se Kurti kësaj radhe ka kërkuar një takim të përbashkët me Bedri Hamzën (PDK), Lumir Abdixhikun (LDK) dhe Ardian Gjinin (Aleanca).

Kurti deri tani ka zhvilluar tri takime me liderin e LDK-së, Lumir Abdixhikun, si dhe një takim me kryetarin e PDK-së, Bedri Hamzën, por asnjëra prej tyre nuk ka rezultuar me sukses.

Ndërkaq, kryetari i Aleancës, Ardian Gjini, vazhdimisht ka refuzuar të takohet me Kurtin.

Vazhdimi i seancës konstituive është ndërprerë të shtunën me kërkesë të kreut të LVV-së, Albin Kurti, pas përshkallëzimit të situatës në sallë, ku deputetja e Aleancës, Time Kadrijaj, hodhi vezë në drejtim të Kurtit.

Në zgjedhjet e 7 qershorit, LVV-ja mori 53 deputetë, PDK-ja 22, LDK-ja 18, ndërsa Aleanca 7 deputetë.