Kuvendi njofton zyrtarisht deputetët për kërkesën e Prokurorisë

Kuvendi përmes një shkrese të firmosur nga Sekretarja e Përgjithshme Albana Shtylla ka vënë në dijeni zyrtarisht dy deputetët Tom Doshi dhe Mark Frroku për kërkesën e Prokurorisë për arrestimin e  tyre.

[poll id=”9″]“Me shkresen nr.1004/2 prot., date 20.03.2015, Prokurori i Pergjithshem i Republikes ka  depozituar prane Kuvendit te Shqiperise kerkesen per dhenie autorizimi per arrestimin ose  heqjen e lirise si dhe per te ushtruar kontroll personal dhe te baneses se deputetit te Kuvendit  te Shqiperise z. Tom Doshi.

Ne zbatim te pikes 2 dhe 5 te nenit 118 te Rregullores se Kuvendit te Shqiperise, bashkelidhur  kesaj shkrese ju dergojme kerkesen e paraqitur nga ana e Prokurorit te Pergjithshem dhe  relacionin perkates, sipas parashikimit te nenit 288 te Kodit te Procedures Penale”, theksohet në shkresën dërguar Doshit.

 “Ne zbatim te pikes 3 te nenit 13 te Rregullores se Kuvendit te Shqiperise, ju njoftojme se  mbledhja e Keshillit per Rregulloren, Mandatet dhe Imunitetin, qe do te shqyrtoje kerkesen per  dhenie autorizimi per arrestimin ose heqjen e lirise si dhe per te ushtruar kontroll personal dhe  te baneses do te mbahet diten e shtune, date 21.03.2015, ora 17.00, ne ambientet e Kryesise se  Kuvendit te Republikes se Shqiperise, Bulevardi “Deshmoret e Kombit”, vijon më tej letra.

E njëjta kërkesë i është dërguar edhe deputetit Mark Frroku.