Lajm i keq për Partizanin para startit të Euroligës: Lovernj i dëmtuar

Qendrori francez humb ndeshjen e hapjes ndaj Olimpia Milanos të premten për shkak të dëmtimit në pulpë.

Partizani do të luajë të premten ndeshjen e parë të Euroligës, në orën 20:45, kundër Olimpia Milanos, por bardhezinjtë kanë marrë një lajm shumë të keq para startit. Sipas “Basketball Sphere”, qendrori francez Joffrey Lauvergne nuk do të jetë në rotacion për këtë ndeshje.

Lovernj pati dy ndeshje të mira në periudhën përgatitore — 15 pikë kundër Fuenlabradës dhe 10 pikë në humbjen ndaj Hapoel Tel Avivit. Në turneun “Pavlos Giannakopoulos” ai nuk luajti për shkak të një dëmtimi më të lehtë, por tani është konfirmuar se dëmtimi në pulpë do ta mbajë larg parketit edhe kundër italianëve.

Me mungesën e tij, Partizani do të ketë zgjedhje të ngushta në pozicionet e qendrës dhe qendrës së krahut: Kavarius Hayes, Toni Jekiri, Derek Willis dhe Nikola Tanasković. Edhe në pozicionin e krahut të ulët situata nuk është e mirë, ku pritshmëritë më të mëdha janë nga Lamar Stevens.

(Burimi: udarnavest.rs, sipas Basketball Sphere)