Lideri i partisë arabe Balad detyrohet të tërheqë kandidaturën në zgjedhjet izraelite

Politikani i njohur palestinezo-izraelit Sami Abu Shehadeh, lideri i partisë Balad, është detyruar të tërheqë kandidaturën e tij në zgjedhjet e ardhshme izraelite pas vendimit të komitetit qendror zgjedhor, siç raporton Al Jazeera. Gjykata Supreme e paralajmëroi se mund të skualifikohej nga gara, pas komenteve që ai bëri për luftën në Gaza.

Shehadeh e ka përshkruar vendimin si “katastrofë historike për demokracinë”, ndërsa institucionet politike izraelite, përfshirë organin zgjedhor, akuzohen për standarde të dyfishta — se shënjestrojnë politikanë dhe parti palestineze, ndërkohë që liderët e ekstremit të djathtë izraelit kanë mbetur të paprekur pavarësisht retorikës së tyre nxitëse dhe thirrjeve për dhunë kundër palestinezëve, vazhdon raportimi i medias.

Zhvillimi vjen në një kohë kur lufta në Gaza vazhdon të rëndojë mbi jetën politike izraelite dhe mbi rajonin, me sulme izraelite që këtë të shtunë plagosën të paktën tre persona në qytetin e Gazës, sipas përditësimeve të së njëjtës media.