Macron bën thirrje për një qeveri të eurozonës me transfera fiskale

Ministri francez i Ekonomisë Emmanuel Macron ka bërë thirrje për një fillim të ri për Evropën, duke referuar për një gazetë gjermane se ‘status-kuo’ e eurozonës do të çojë drejt vetë-shkatërrimit të bashkimit monetar dhe se transfertat fiskale midis shteteve anëtare janë të domosdoshme.

Një vizion i tillë është mallkim për trendin në politikën gjermane, me qeverinë e kancelares Angela Merkel e cila i ka rezistuar me këmbëngulje çdo lloj transfere të përhershme fiskale ndaj vendeve të varfëra te eurozonës.

Por gjatë intervistës së tij me Sueddeutsche Zeitung, Macron tha se transfera të tilla ishin thelbësore në qoftë synohet mbijetesa e bashkimit monetar prej 19-anëtarësh.

‘Në qoftë se shtetet anëtare nuk janë gati, sikundër deri më tani, për çdo formë të transferimit financiar në bashkimin monetar, ne mund të harrojmë euron dhe eurozonën,’ tha ai në intervistë.

‘Një bashkim monetar pa barazim financiar – është i pamundur! I forti duhet të ndihmojë. ‘

Duke shtuar vizionin e Francës për një qeveri ekonomike evropiane, Macron tha se ai dëshironte një komisioner të ri të euros në Bruksel për të koordinuar politikat ekonomike, financiare dhe ato sociale të 19 vendeve të euros.

‘Qeveria e euros duhet të udhëhiqet nga një komisioner me kompetenca të gjera,’ tha ai, duke shtuar se komisioneri duhet të ketë mjetet financiare për të bërë investime.