Manasievski i kundërpërgjigjet Nikolovskit: “Frikacakët ikin dhe fshihen; nëse argumentet e mia janë të vërteta apo të rreme, do ta thotë gjykata, jo ti”

Zëdhënësi i VMRO-DPMNE-së, Valentin Manasievski, ka reaguar ndaj deklaratave të Ljupço Nikolovskit nga SDSM-ja lidhur me padinë dhe akuzat për të cilat të dy kanë qëndrime të kundërta.

“A janë të vërteta apo të rreme argumentet e mia, do ta thotë gjykata, jo ti”, i është drejtuar Manasievski Nikolovskit, duke shtuar: “Ljupço, frikacakët ikin dhe fshihen”.

Në reagim, Manasievski i ka drejtuar Nikolovskit një sërë pyetjesh, mes tyre për një apartament luksoz dupleks në Diamond Mall, si dhe për angazhimin e berberit të tij si këshilltar gjatë kohës kur ishte pjesë e Qeverisë.

Ai ka pyetur gjithashtu nëse Nikolovski ka ndikuar mbi firmën “Larikom shped”, e cila, sipas tij, ka rritur të ardhurat për 1.100 për qind brenda një viti.

Reagimi prek edhe çështjet që lidhen me mungesën e grurit dhe blerjen e grurit nga një vend fqinj, si dhe me një grant të dyshimtë të IPARD-it për firmën “Trgoprodukt”.

Manasievski ka vënë në dyshim edhe besueshmërinë e konstatimit për dhimbje shpirtërore, duke e lidhur me mjekun Bajraktarov dhe lidhjet e tij të dyshuara partiake.

“Ti duhet t’u përgjigjesh shumë pyetjeve, jo unë”, theksoi Manasievski, duke e ftuar në fund Nikolovskin të tërhiqet nga politika, nëse, siç pretendon, ka pësuar vërtet dhimbje shpirtërore nga konferencat e tij për shtyp.

Burimi: skopje1.mk. Fotoja: skopje1.mk.