Manifesti i protestuesve, Muça: Kjo nuk është serioze. Kalemaj: Mund të jetë diversion i Ramës

Gazetari Flogert Muça dhe analisti Ilir Kalemaj kanë komentuar në emisionin “3D” kanë komentuar një manifest që ka qarkulluar në protestën e ditës së sotme ku kërkohet hetimi i figurave të larta politike dhe krijimin e një qeverie tranzitore.

Sipas gazetarit Muça, kjo nuk është serioze.

“Problemi është kush ka bërë, kur ndaj kujt, çfarë përfaqësojnë e tjera me radhë. Se mund ta bëjë kushdo këtë për tre minuta të bëj unë pesë të tilla. Edhe një televizion del e thotë e paskan me Berishën. Disa të tjerë e paskan me Ramën. Pra çfarë dua të them, pa dashur ta banalizoj dhe pa e dashur dhe të marr kohën. Kjo nuk është serioze. Si njëherë një herë del me pesë pika, një herë del me një çarçafë me shkrim”, u shpreh Muça.

Nga ana e tij, analisti Ilir Kalemaj theksoi se kjo mund të jetë edhe një diversion i kryeministrit Edi Rama.

“Mund të jetë diversion fare mirë i zotit Rama. Nuk e ka nxjerrë asnjë nga aktivistët kryesor protestë. Por ideja është që ata që janë të paktën shpirtra civilë të kësaj proteste. Në rrjetet sociale unë nuk e kam parë deri më tani ndërkohë që pesë pikat u përhapën masivisht nga nga të gjithë”, theksoi Kalemaj.