Mbappé krijon kaos te Real Madridi; tifozët të tërbuar me francezin. E krahasojnë me… Hitlerin

Një postim i zakonshëm në rrjetet sociale u shndërrua në “boomerang” të vërtetë për Real Madridin dhe Kylian Mbappé. Mbrëmë, “Los Blancos” publikuan në “X” një video të shkurtër nga stërvitja e mëngjesit, ndërsa skuadra përgatitet për “El Clasico” kundër Barcelonës, të dielën në mbrëmje, që mund t’iu japë matematikisht titullin blaugranëve. Në pamje nuk kishte asgjë të pazakontë, por vëmendjen e tërhoqën komentet.

Pse tifozët e Real Madridit protestojnë kundër Mbappé? Nën postim, qindra tifozë shprehën zemërimin ndaj tij, në qendër të polemikave edhe për shkak të udhëtimit, i dëmtuar, drejt Italisë me partneren e tij, Exter Esposito. Francezi, i dëmtuar që nga 24 prilli, ishte fundjavën e kaluar në Cagliari dhe u kthye në Spanjë të dielën pasdite, për të qenë në Barcelonë pak minuta para ndeshjes me Espanyol, ku qëndroi në tribunë.

Kjo lëvizje nuk iu pëlqeu tifozëve dhe as klubit, duke iu shtuar sjelljeve të francezit që nuk e kanë bindur dhomën e zhveshjes. “L’Equipe” shkruan se numri 9 ka marrëdhënie vetëm me lojtarët francezë. Në një sezon pa shumë suksese dhe me titullin drejt Barcelonës, tifozët madje e krahasuan atë me Hitlerin në “X”.