Meta në Qendrën “George C. Marshall”, ligjëratë për Ballkanin
Presidenti i Republikës, Ilir Meta ndodhet sot në Garmish të Gjermanisë ku zhvilloi një vizitë në Qendrën Europiane të Studimeve të Sigurisë “George C. Marshall”, si i ftuar nderi për të mbajtur një ligjëratë për sigurinë dhe sfidat në rajonin e Ballkanit.
Përmes një postimi në ‘Facebook’ Meta theksoi se ishte i nderuar për këtë vizitë, ndërsa shtoi se partneriteti amerikano-gjerman në rajon është vendimtar për të ardhmen.
“Shumë i nderuar të vizitoja Qendrën Europiane të Studimeve të Sigurisë “George C. Marshall” për t’ju drejtuar kursit “Programi i Studimeve të Sigurisë së Avancuar”, rreth integrimit në Bashkimin Europian të Ballkanit Perëndimor.
Integrimi euroatlantik është çelësi për sigurinë dhe stabilitetin e Ballkanit Perëndimor.
Partneriteti amerikano-gjerman në rajon është vendimtar për të ardhmen.”, shkruan në ‘Facebook’ Meta.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.