Mickoski takohet me përfaqësuesit e industrisë ushtarake amerikane: bisedime për investime dhe partneritet afatgjatë

Kryeministri i Maqedonisë së Veriut, Hristijan Mickoski, u takua sot gjatë vizitës së tij në Shtetet e Bashkuara të Amerikës me përfaqësues të industrisë ushtarake amerikane, si dhe me zyrtarë të administratës amerikane përgjegjës për këtë sektor.

Në qendër të bisedimeve ishin investimet e mundshme, zgjerimi i planeve investuese dhe vënia në dispozicion e burimeve, bëri me dije kryeministri maqedonas pas takimit.

“Qëllimi ynë është që, përmes partneriteteve serioze dhe afatgjata, të hapim mundësi të reja për investime, zhvillim teknologjik dhe forcimin e kapaciteteve vendase”, shkroi Mickoski në profilin e tij në Facebook.

Ai shtoi se “Maqedonia ka potencial, burime dhe një pozicion strategjik që mund të jetë bazë për thellimin e bashkëpunimit me Shtetet e Bashkuara, në interes të zhvillimit ekonomik, sigurisë dhe stabilitetit”.

Takimet në Uashington janë pjesë e përpjekjeve të qeverisë së Shkupit për të forcuar marrëdhëniet ekonomike dhe të sigurisë me partnerët amerikanë, në një kohë kur vendi synon të tërheqë më shumë investime të huaja direkte dhe të rrisë rolin e tij në industritë strategjike të rajonit.

Burimi: Press24