Mickoski takon në Nju Jork zëvendëssekretarin amerikan të Shtetit, Christopher Landau

Në takim, nga pala amerikane morën pjesë edhe ndihmëssekretari i Shtetit për Evropën, Brendan Harnahan, si dhe zëvendësndihmëssekretari për Evropën, Daniel Lawton, në portofolin e të cilit përfshihen edhe vendet e Ballkanit.

Takimet zyrtare me delegacionin e lartë të Departamentit të Shtetit vijnë një ditë pas takimit të kryeministrit Mickoski me sekretarin e Shtetit, Marco Rubio, po ashtu në Nju Jork.

“Takimi ishte një mundësi për një bisedë të hapur dhe thelbësore mbi partneritetin strategjik me Shtetet e Bashkuara të Amerikës, për thellimin e dialogut politik dhe ekonomik, si dhe për çështjet me interes të përbashkët për të dy vendet. Në një kohë sfidash serioze gjeopolitike dhe ndryshimesh në marrëdhëniet ndërkombëtare, është jashtëzakonisht e rëndësishme për ne të kemi marrëdhënie të forta, të qëndrueshme dhe parimore me partnerët tanë strategjikë. Shtetet e Bashkuara të Amerikës janë partneri dhe aleati ynë strategjik afatgjatë, dhe komunikimi i drejtpërdrejtë në nivel të lartë politik është pjesë e rëndësishme e forcimit të mëtejshëm të këtyre marrëdhënieve”, shkruan kryeministri Mickoski në postimin e tij në Facebook.

Burimi: Press24