Mickoski: Zaev dhe Kovaçevski duhet të kërkojnë falje tek qytetarët për politikat e qeverisjes së tyre

Kryeministri i vendit, Hristijan Mickoski, tha se llogaritë nga puna e qeverive të mëparshme të Zoran Zaevit dhe Dimitar Kovaçevskit dhe si ata u përballën me krizën sot po i paguajnë qytetarët.

I pyetur për koment të deklaratave të Venko Filipçes për punën e qeverive të Zaev dhe Kovaçevskit, Mickoski tha se shumica e qytetarëve ndajnë mendimin se një qeverisje e tillë nuk duhet të lejohet më.

“Mos dhashtë Zoti që asnjëherë Maqedonisë mos t’i përsëriten qeveri të tilla. Mos dhashtë Zoti! Dhe mendoj se kjo është ajo që mendojnë shumica e qytetarëve. Mënyra se si ata po përballen, sot i paguajmë llogaritë, ndërsa ata shijojnë meloditë e yjeve të muzikës nga zona në destinacione të shtrenjta ekzotike, udhëtojnë me jahte të shtrenjta. Ne i paguajmë ata, domethënë ju, qytetarët, paguani llogaritë e asaj kohe, si u përballën me krizën”, deklaroi Mickoski.

Në vend që të përballen me përgjegjësinë, sipas Mickoskit, ata vazhdojnë të mbrojnë dhe promovojnë ato politika.

“Më vjen keq që LSDM-ja sërish po e humbet mundësinë për të kërkuar falje për të gjitha ato politika të gabuara, kriminale, bandite, antikombëtare të atyre dy qeverive që LSDM-ja po i bën publike sot dhe po i mbron, pra, qeveria e z. Zaev dhe z. Kovaçevski. Në vend që të kërkojnë falje dhe të tërhiqen nga gjithçka që kanë bërë, ata ende po e promovojnë atë”, tha Mickoski.