Miqësore/Egnatia e Dinamo fitojnë, Vllaznia e Elbasani humbasin
Skuadrat shqiptare vazhdojnë përgatitjet në prag të sfidave në kompeticionet evropiane. Gjatë ditë së sotme nuk kanë munguar dhe ndeshjet miqësore.
Skuadra kampione e Shqipërisë, Egnatia, e ka mbyllur fazën përgatitore në Bansko të Bullgarisë me një fitore 3-1 përballë FC Botosani. Golat për rrogozhinasit u shënuan nga Bakayoko, Albanese e Fernando.
Fiton edhe Dinamo, që ka mposhtur Strugën me rezultatin 3-2. Për blutë shënuan Farruku dhe Vila, si dhe një autogol i kundërshtarit. Stafi teknik dhe futbollistët janë të impenjuar maksimalisht për t’u përgatitur sa më mirë për sfidat europiane ndaj Astanës.
Vllaznia, në miqësoren e radhës në këtë fazë përgatitore është mundur nga FC Koper me rezultatin 4-2. Golat për kuqeblutë u shënuan nga Murataj dhe Tafili.
Elbasani është mundur nga FK Deçiq me rezultatin 3-0 në miqësoren e kuajtur në Zlatibor.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.