Momenti kur disa protestues sulmojnë me shkopinj Komisariatin nr.3 (VIDEO)

Ky është momenti kur disa protestues sulmojnë me shkopinj komisariatin numër 3 në Tiranë duke thyer xhamat dhe shkatërruar derën pas mesnatës së të shtunës.

Policia ndërhyri me makinën e ujit në përpjekje për të shpërndarë turmën. Përplasja krijoi tensione dhe bllokimin e rrugëve në ketë zonë.

Pas përfundimit të protestës së 35-të para Kryeministrisë, një grup protestuesish marshoi drejt Komisariatit Nr. 3, ku mbahen disa nga personat e arrestuar pas incidenteve të ndodhura gjatë protestës së së martës para Parlamentit. Protestuesit kërkuan lirimin e tyre, ndërsa situata u tensionua për disa minuta përpara godinës së komisariatit.

Rreth orës 00:30, protesta para Komisariatit Nr. 3 u shpërnda. Pas ndërhyrjes së forcave të policisë me makinën e ujit, protestuesit u larguan nga zona.