Mourinho: Dua më të mirët, nuk do të largoj askënd nga Real Madridi. Menaxhimi i egove është problemi më…

Trajneri i ri i Real Madridit, José Mourinho, duke folur në podcastin “Beast Mode On”, sqaroi se nuk do të ketë largime të bujshme nga skuadra: “Doja të sqaroja një gjë. Kam lexuar komente se José Mourinho do të vijë dhe do të largojë disa nga lojtarët më të mirë për shkak të problemeve të sezonit të kaluar… Jo, unë i dua këto lojtarë! Dua më të mirët. Tani duhet të gjej mënyrën për të krijuar një skuadër të bashkuar, duke shmangur vështirësitë që kanë pasur paraardhësit e mi”.

Duke iu referuar problemeve të trajnerëve të mëparshëm me yjet e ekipit, ai shtoi: “Menaxhimi i egove është problemi më i mirë që mund të ketë një trajner. Lojtarët më të mirë janë problemi më i mirë që mund të kesh”.

Mourinho, i cili ka siguruar tashmë transferimet e Marc Cucurella, Bernardo Silva, Ibrahima Konaté dhe Denzel Dumfries, theksoi: “Unë dua cilësi. Nëse një lojtar ka cilësi të jashtëzakonshme, por nuk është në nivel fizik apo nuk është i qëndrueshëm, atëherë nuk është një lojtar i madh.

Një lojtar i madh duhet të jetë një paketë e plotë: teknikisht i aftë, fizikisht i fortë, mendërisht i fortë dhe të luajë për skuadrën. Këtë kërkoj. Besoj fort se një nga cilësitë e një trajneri është të dijë të nxjerrë më të mirën nga futbollistët”.