Ndalohen dy persona në Ohër, kapen me lëndë narkotike

Dje në Ohër, oficerët e Policisë Kriminale në kuadër të SPB Ohër kanë ndaluar R.S. (50) dhe S.B. (46), të dy nga Ohri.

Nga MPB thonë se gjatë një kontrolli në shtëpinë e R.S., të kryer me urdhër gjykate, oficerët e policisë gjetën dhe sekuestruan marihuanë, dy mulli me mbetje marihuane dhe sende të tjera të dyshuara se janë nga një vepër penale.

Ndërsa, gjatë një kontrolli në shtëpinë e S.B., gjithashtu të kryer me urdhër gjykate, oficerët e policisë gjetën dhe sekuestruan marihuanë, një shiringë të mbushur me një substancë ngjyrë kafe, një mulli me mbetje marihuane dhe sende të tjera të dyshuara se janë nga një vepër penale.

“Pas dokumentimit të plotë të ngjarjeve, kundër të dyve do të ngrihen akuza përkatëse”, bëri të ditur Ministria e Brendshme./Telegrafi/